बर्दिया,पौष ३ (माउन्टेनसमाचार)/ कृषिलाई आधुनिकीकरण, व्यवसायिक र बैज्ञानिकीकरण गरि उत्पादन बढाउन सकिने लुम्बिनी प्रदेश सांसद जन्मजय तिमिल्सिनाले बताएका छन् । मधुवन नगरपालिका–७ मा रहेको ताराताल साना किसान कृषि सहकारी संस्था लिमिटेडको २५औं वार्षिक अवसरमा सोमबार प्रदेश सांसद तिमिल्सिनाले यस्तो बताएका हुन् ।
कृषिलाई आधुनिकीकरण गरि उत्पादन बढाउनमा कृषि सहकारीको महत्वपुर्ण भुमिका रहने जनाए । ताराताल साना किसान कृषि सहकारी संस्थाले स्थापनाकाल देखि नै संस्थाको उदेश्य पुर गर्न ऋण बचत, कृषि पशुपालनसंग बित्तिय क्षेत्रमा उपस्थिती जनाएको छ । पुजी र सिपको प्रयोग गरि आर्थिक विकासलाई प्रभावकारी बनाउने भुमिकामा रहेकोले कृषि सहकारीको प्रदेश सांसद तिमिल्सिनाले प्रशंसासमेत गरे ।
सहकारीको २५औं वार्षिक अवसरमा कार्यालयको परिसरमा रजत स्तम्भ अनावरण गरिएको छ । सहकारीलाई सहयोग गर्ने व्यक्तिहरुलाई सम्मान गरिएको जनाईएको छ ।
यस सहकारीले कृषकहरुलाई संगठित गरि साना कृषकहरुको समूहहरु मार्फत कृषि क्षेत्रलाई व्यवसायिककरण गर्दै उत्पादन, प्रशोधन तथा कृषकहरुको आय आर्जन बढाउन भुमिका खेलेको मधुवन नगरपालिकाका नगर प्रमुख तेज बहादुर भाटले बताए ।
