बर्दिया,मंसिर २७/ कृषि, पर्यटन, उद्योग र ब्यापारको प्रर्बद्धन र रोजगारी, प्रादेशिक महोत्सव ०८० बढैयाताल बर्दियाको चिनारी भन्ने मूल नारासहित बढैयातालको मैनापोखरमा हुने प्रथम प्रादेशिक बढैयाताल, कृषि पर्यटन तथा औद्योगिक ब्यापार तथा माघी महोत्सव ०८० को तिब्र तयारी गरिएको छ । बढैयाताल उद्योग बाणिज्य संघको आयोजना तथा बढैयाताल गाउँपालिकाको संरक्षकत्वमा माघी महोत्सव पौष २७ देखि माघ ७ गतेको तिब्र तयारी गरिएको छ ।
महोत्सवको तयारीका लागि लुम्बिनी प्रदेसका सांसद भुवनेश्वर चौधरी, बढैयाताल गाउँपालिका प्रमुख, उपप्रमुख, प्रमुख प्रशासकिय अधिकृत, ९ वटै वडाध्यक्ष लगायत जनप्रतिनिधिहरु, राजनितिक दल, बरघर, बुद्धिजिवि, ब्यापारी लगायत स्थानिय सहितको भेलाविच बृहत अन्र्तक्रिया कार्यक्रम गरिएको बढैयाताल उद्योग बाणिज्य संघका अध्यक्ष बालकृष्ण लामिछानेले बताउनु भयो । महोत्सवको तयारी स्वरुप, विमा कम्पनी, स्टल ब्यापारी, टिकट तथा कलाकार ब्यवस्थापन लगायतका बिषयमा छलफल भएको छ । राष्ट्रिय तथा स्थानिय ख्याती प्राप्त कलाकारहरुको महोत्सवमा बेजोड प्रस्तुती रहने उहाँको भनाई छ ।
महोत्सवमा १ लाख दर्शकहरुले अवलोकन गर्ने लक्ष्यसहित तयारी थालेका हौं । बहुउद्देश्यीय सभागृह तथा ब्यवसायिक हित सहयोगार्थ महोत्सव आयोजना गरिएको बताउँदै उहाले थप्नुभयो, महोत्सव मार्फत स्थानिय थारु समुदायको कला, संस्कृति, परिकार, भेषभुसासँगै स्थानिय घरेलु, कृषि उत्पादनले बजार पाउनेमा हामी आशावादी छौं । नविनतम कृषि प्रविधिको प्रयोगगर्दै महोत्सवबाट भरपूर्ण मनोरञ्जन दिदै कला संस्कृतिको जगेर्ना गर्ने हाम्रो उद्देश्य हो । महोत्सव अवलोकन गर्न उहाँले सबैलाई चुलै निम्तो दिनु भएको छ ।साभार चुरेकुञ्ज
