बर्दिया,मंसिर २६(माउण्टेनसमाचार)/ गुलरिया नगरपालिका–५ ले महिलाहरुका लागि सिपमुलक तालिम सुरु गरेको छ । वडाका महिलाहरुलाई आत्मनिर्भर बनाउन डल कुसन तथा गुडिया बनाउने सम्बन्धि दश दिने सिपमुलक तालिम सुरु गरेको हो । तालिम मंसिर २४ देखि पौष ३ गतेसम्म चल्नेछ ।
वडाको चालु आर्थिक वर्षको लागि स्विकृत बजेट अनुसार महिलाहरुको लागि डल कुसन तथा गुडिया बनाउने सम्बन्धि तालिम संचालन गरिएको छ । गुलरिया नगरपालिका–५ का वडा अध्यक्ष मुम बहादु मल्लले आइतबार गुडिया बनाउने दश दिने तालिमको उद्घाटन गरेका हुन् । गुलरिया नगरपालिका–५को आर्थिक सहयोग तथा अग्रिमा हस्तकला ट्रेनिङ सेन्टरको आयोजनामा तालिम संचालन भएको छ ।
तालिमको उद्घाटन गर्दै सिपले मात्र आत्मनिर्भर बन्न सहज हुने गुलरिया नगरपालिका–५ का वडा अध्यक्ष मुम बहादुर मल्लले बताए ।
हामी महिलाहरु घरायसी काममा मात्र व्यस्त नहुन अग्रिमा हस्तकला ट्रेनिङ सेन्टरकी संचालक निर्मला धमलाले बताईन् । आफुले जिल्लाका अन्य पालिकाहरुमा डल कुसन तथा गुडिया सम्बन्धि महिलाहरुलाई प्रशिक्षण दिने सुनाईन् ।
तालिममा गुलरिया नगरपालिका–५ का १५ जना महिलाहरुको सहभागिता रहेको अग्रिमा हस्तकला ट्रेनिङ सेन्टरका सेन्टरका व्यवस्थापक सागर चापागाईले जानकारी दिए । तालिमको उद्घाटन कार्यक्रममा वडा अध्यक्षलगायत वडाका सदस्य शोबिन्द्र बहादुर चौधरी, सरिता परियार र वडा सचिव घनश्याम अधिकारीको उपस्थिती रहेको थियो ।
