बर्दिया, कात्तिक २० गते / गुलरिया उद्योग वाणिज्य संघ बर्दियाले जाजरकोट र रुकुम पश्चिमका भूकम्प पीडितहरुको तत्काल राहतका लागि वाणिज्य संघ गुलरियाले राहत रकम संकलन गरेको छ।
कार्तिक १७ गते राति ११ः४७ मा जाजरकोट र रुकुम पश्चिम केन्द्रविन्दु भएर गएको ६.४ म्याग्निच्युडको भुकम्पका कारण ठुलो संख्यामा मानविय क्षति एवं भौतिक क्षतिले यस संघ लाई मर्माहत बनाएको भन्दै त्यहाँ रहेका भूकम्प पीडितहरुका तत्काल राहतका लागि गुलरिया उद्योग वाणिज्य संघका कार्यसमिति सम्पूर्ण सदस्य र पदाधिकारीबाट ४३ हजार ६५ रूपैयाँ आर्थिक सहयोग संकलन र गुलरिया बजार क्षेत्रबाट ५९ हजार १ सय सत्तरी रुपैया समेत राहत रकम संकलन गरि १ लाख २ हजार २ सय ३५ रुपैया संकलन भएको गुलरिया उद्योग वाणिज्य संघ बर्दियाका अध्यक्ष देवेन्द्र पाण्डे (मंगल) ले बताए।
सोही अनुसार भुकम्प पीडितहरुको तत्काल उद्धार, राहतका लागि पहललकदम साथै संघले यस विपतको घडिमा आफ्नो तन, मन तथा धनका साथ सहयोगमा जुट्नका लागि समेत आग्रह गर्दै भुकम्पमा परि ज्यान गुमाउनेहरु प्रति श्रद्धान्जली अर्पण गर्दै घाईतेहरुको सिघ्र स्वास्थ्य लाभको कामना गरेको छ ।
