बर्दिया,कात्तिक १५ (माउण्टेनसमाचार) / किसान अस्थायी परिचयपत्रको लागि वडा कार्यालयमा निवेदन दर्ता गराउन गुलरिया नगरपालिका–३ का वडा अध्यक्ष सर्वजित यादवले अनुरोध गरेका छन् । आवश्यक कागजातसहित किसानहरुले वडा कार्यालयमा निवेदन दर्ता गराएर किसान अस्थायी परिचयपत्र प्राप्त गर्न बुधबार सुचना जारी गरि वडा अध्यक्ष यादवले जनाएका हुन् ।
किसान परिचयपत्रको लागि निवेदन, नागरिकताको फोटोकापी, दुई प्रति पासपोर्ट साईजको फोटो, व्यवसाय दर्ता भएमा प्रमाणपत्रको फोटोकापी, मालपोत सम्पत्ति कर वा व्यवसाय नविकरणको रसिदको फोटोकापी, प्यान दर्ता भएमा फोटोकापी, जग्गाधनी दर्ता प्रमाण पुर्जा, जग्गा भाडामा लिएको भए करारनामा सम्झौतापत्र वा भोगचलन गरेको भए जग्गाको आधिकारीक निस्साको फोटोकापी र किसान समुह सहकारी संस्थामा आवद्ध भएमा प्रमाणपत्रको फोटोकापी लिएर वडा कार्यालयमा सम्पर्क गर्न प्रकासिशत सुनचामा उल्लेख छ ।
कात्तिक १७ गते देखि कात्तिक २३ गतेसम्म जानकी टोल र साधाकृष्ण टोललाई मात्र किसान अस्थायी परिचयपत्र वितरण गरिनेछ बाकी टोललाई वितरण गर्न पुनः सुचना प्रकाशन गरिने जनाईएको छ ।
