विराटनगरबाट प्रहरीले किशोरको साथबाट ठुलो परिमाणमा अवैध हुण्डिको रकम बरामद गरेको छ । विराटनगर महानगरपालिका–६ बाट हुण्डीको रकम सहित १६ वर्षीय किशोरलाई पक्राउ गरिएको जिल्ला प्रहरी कार्यालय मोरङका इन्स्पेक्टर हेमराज ओलीले रातोपाटीलाई बताए ।
किशोरले बोकेको झोलाबाट प्रहरीले २१ लाख ८७ हजार रुपैयाँ नगद बरामद गरेको छ । कोशी प्रदेश प्रहरी कार्यालयबाट खटिएको टोली र जिल्ला प्रहरी कार्यालय मोरङको टोलीले नगद बरामद गरेको हो । घटनाबारे मोरङ प्रहरीले अनुसन्धान गरिरहेको छ ।
