बर्दिया,कात्तिक २(माउण्टेन समाचार)/ भारतबाट भन्सार छली ल्याई बेवारिसे अवस्थामा थुपारिएको अबैध सामान प्रहरीले बरामद गरेको छ । बढैयाताल गाउँपालिका–२ फुटाहा स्थितीबाट प्रहरीले बेवारिसे अवस्थामा रहेको अबैध सामान बरामद गरेको हो ।
बरामद सामान भारतबाट भन्सार छली चोरी पैठारी गरी ल्याई सडकको किनारमा लुकाई छिपाई राखिएको प्रहरीको अनुमान छ । बरामद अबैध सामान मुल्य रु १७ हजार २ सय ३० बराबरको छ । काजु, बिस्कुट, क्यान्डि चक्लेट, सनपापडी मिठाईलगायत किराना सामान बरामद भएको जनाईएको छ ।
बरामद सामान आवश्यक कारवाहीको लागि बिहीबार राजापुर भन्सार कार्यालय गुलरियामा बुझाएको ईलाका प्रहरी कार्यालय मैनापोखरले जनाएको छ ।
