नेपालको अर्थतन्त्र सुधार गर्न कृषि, औद्योगीकरण, व्यापार र पर्यटन प्रमुख आधार क्षेत्र हुन् । ती मध्य पर्यटन अग्रपंक्तिमा पर्दछ । पर्यटन प्रवद्र्धन गरेर हामी मुलुकको काया पलट गर्न सक्छौं ।
पर्यटन हाम्रो देश नेपालको अर्थतन्त्रको मेरुदण्ड हो । बर्दिया जिल्ला पर्यटन उद्योगका लागि प्रशस्त सम्भावना भएको ठाउँ हो । बर्दिया राष्ट्रिय निकुञ्ज, कृष्णसार संरक्षण क्षेत्र, कर्णाली तथा बबई नदीका तटीय सौन्दर्य, चिसापानी र कोठियाघाटका आकर्षक पुल, दुर्लभ बन्यजन्तु, चराचुरुङ्गी, बढैयाताल, कृष्णसार ताल, ताराताल जस्ता आकर्षक ताल आदि यस जिल्लामा रहेका मानव निर्मित तथा प्राकृतिक सम्पदाहरुले पर्यटनको प्रशस्त सम्भावना झल्काइ रहेका छन् । यसैगरी य्स्स जिल्लामा रहेका धार्मिक एवम् सान्स्कृतिक धरोहर, यहाँका रैथाने खानपिन, भेशभूषा, गीत सङ्गीत जस्ता कुरामा पनि पर्यटनका अनन्त सम्भावनाहरु छन् । हामीले यी महत्त्वपूर्ण सम्पदाहरुको पहिचान, संरक्षण तथा उपयोग गर्न सकेका छैनौ । यस क्षेत्रका सरकारी तथा गैरसरकारी तहमा काम गर्ने सबै सरोकारवालाहरुको ध्यान पर्यटन प्रबद्र्धनतर्फ जानु आवश्यक छ । पर्यटन प्रवद्र्धनका लागि सडक पूर्वाधार, आवास, भोजन लगायतको उचित व्यवस्थापनका लागि समय सापेक्ष पूर्वाधार विकासमा सरोकारवालाको ध्यान जानु आवश्यक छ । पर्यटन क्षेत्रमा पूर्वाधार लगायत जनशक्तिको समुचित विकास गर्न सकेमा यस ठाउँको समृद्धिको आधार तयार हुने कुरामा दुई मत हुदैन ।
