आमा,दिदीबहिनीहरु!
हरितालिका तीज आएको छ
सर्वत्र उमङ्ग छाएको छ
घर घरमा
दर खाने लहर छ
खाऊ
मिठो मसिनो खाऊ
आफन्त प्रिय जनका घर जाऊ
वस्त्र आभूषणले
खुब सिगार
आफूलाई सजाऊ
आमा दिदीबहिनीहरु!
कमाउने नि हो
रमाउमे नि हो
बर्षभरि कमाऊ
महिनाभरि रमाऊ
खाऊ,नाच,गाऊ
आफूलाई मन पर्ने सङ्गीत
आफ्नो मन छुने गीत
र आफ्नै नृत्यको तालमा
आफूखुसी रमाऊ
मलाई थाहा छ
चुडाल्दै युगौदेखिको बन्धन
तिमी स्वतन्त्रताको पथमा छौ
यदाकदा
तिम्रा पदचापहरुले
परम्परा भत्काएका छन्
सङ्गति तोडेका छन्
तिमी स्वच्छन्दताको पथमा छौ
र त तिम्रो उमङ्गलाई
यहाँ विसगङति मान्नेहरू छन्
विकृति भन्नेहरु छन्
दिदीबहिनीहरु!
म तिम्रो स्वतन्त्रताको पक्षधर हु
म तिम्रो अग्रगामी चेतलाई
म सलाम गर्छु
तिम्रो मुक्तिको यात्रालाई
म सम्मान गर्छु
तर कहिलेकाही
प्रश्न गर्न मन लाग्छ
कतै तिम्रो स्वतन्त्रता
पूजी बजारले किन्न त किनेन?
तिम्रो मुक्तिकामी चेतना
पूजी बजारले छिन्न त छिनेन?
हुने खनेहरुले
महिनाभरि भोज गर्दै गर्दा
रस,रङ्ग र मोज गर्दै गर्दा
हुँदा खानेहरुको
चुलो बल्यो कि बलेन
वेदनाले मन
जल्यो कि जलेन
दिदीबहिनीहरु!
यसपटक दर खादै गर्दा
तिम्रो मन मस्तिष्कमा
यो सम्वेदनाले
छोयो कि छोएन?
घर गर्यो कि गरेन ?
