ठाकुरबाबा नगरपालिकाले सञ्चालन गरेको सामुदायिक विद्यालयको सवलीकरण कार्यक्रमअन्तर्गत उत्कृष्ट कार्यसम्पादन गर्ने शिक्षकहरु तथा विद्यालयहरूलाई सम्मान गरिएको छ ।
शैक्षिक सत्र २०८१ को आधारभूत तह अन्तर्गत कक्षा ५ र ८ को नगरस्तरीय परीक्षामा उत्कृष्ट नतिजा प्राप्त गर्न सफल ४२ जना शिक्षकलाई जनही रु १० हजार नगद र प्रमाणपत्र प्रदान गरी सम्मान गरिएको हो । साथै विभिन्न शैक्षिक सूचकहरूमा उत्कृष्ट प्रगति गर्न सफल ६ वटा विद्यालयलाई प्रती विद्यालय रु ७५ हजार नगदसहित प्रमाणपत्रद्वारा सम्मान गरिएको ठाकुरबाबा नगरपालिकाका शिक्षा शाखा अधिकृत सीता कुमारी भण्डारीले जानकारी दिईन् ।
कार्यक्रममा यस वर्ष विभिन्न तहमा बढुवा भएका चार जना शिक्षकहरूलाई सम्मान गरिएको छ । माध्यमिक तह प्रथममा वालकृष्ण आचार्य, निमावि तह प्रथममा यज्ञ नेपाल, प्राथमिक तह प्रथममा लक्ष्मी पौडेल र प्राथमिक तह द्वितीयमा सुदिप अधिकारीलाई सम्मान गरियको शिक्षा शाखा अधिकृत भण्डारीले बताईन् ।
