चितवन, चैत्र ५ गते / चितवन राष्ट्रिय निकुञ्जको मध्यवर्ती क्षेत्रमा बस्ने स्थानीयहरुको घरको र स्थानीहरुको बिमा गरिएको छ ।
चैत्र ४ गते सोमबार चितवनमा भएको एक कार्यक्रमका बिच मध्यवर्ती क्षेत्र अन्तरर्गत पर्ने माडि नगरपालिकाको बाड नं ३ को बोटे सिमराका वन्यजन्तु पिडित परिवारका १ सय ८ घरको प्रति घर १० लाखको बिमा गरिएको र १ सय ८० जनाको स्थानीयको एकलाख पँचास हजार बराबरको दुर्घटना बिमा गरिएको उज्यालो नेपालका अध्यक्ष नवराज न्यौपानेले बताए ।
मानव वन्यजन्तु द्वन्द्व न्यूनिकरणका लागि दशक देखि विभिन्न कार्य गरिरहेको संस्था उज्यालो नेपालले वन्यजन्तुबाट पिडित पाण्डव नगरका २ सय १० घरको प्रति घर १० लाखका दरले बिमा गरिएको र ७५ जनाको स्थानीयको एक लाख पँचास हजार बराबरको समेत दुर्घटना बिमा गरेको अध्यक्ष न्यौपानेले जानकारी दिए ।
कार्यक्रममा आमा बुवा नभयका स्थानीय बालबालिकाहरु मध्य ११ जनालाई ५ हजार रुपैया छात्रवृत्ति रकम वितरण गरिएको समेत न्यौपानेले बताए ।कार्यक्रममा चितवन राष्ट्रिय निकुञ्जका सँरक्षण अधिकृत रविन चौधरी, माडी नगरपालिका बाड नं ३ का वडा अध्यक्ष, शिखर ईन्शोरेन्सका प्रतिनिधि पाण्डवनगर मध्यवर्ती उपभोक्ता समितिका अध्यक्ष, स्थानीय संचारकर्मी र स्थानिय बासीको उपस्थिति रहेको थियो।
