भुरिगाँउ, फागुन २० गते / ठाकुरबाबा नगरपालकिाको आयोजनामा सोमबार देखि मेलमिलाप सम्बन्धी आधारभुत तालिम सुरु भएको छ । फागुन १९ गते देखि संचालित यस मेलमिलाप सम्बन्धीत आधारभुत तालिम फागुन २५ गते सम्म संचालन हुने छ ।
प्राकृतिक श्रोत द्वन्द्व रूपान्तरण केन्द्र नेपालको सहजिकरणमा संचालित आधारभुत तालिमको अपेक्षा ठाकुरबाबा नगरपालिका भित्र स्थानीयहरुको ठाकुरबाबा न्यायपालिकामा आएका हरेक किसिमका समस्याहरुमा न्याय सम्पादनका क्रममा आवश्यक कानुनी एवं व्यवहारिक सीप प्रदान गर्दै दुवै पक्षको जितका अनुभुति सिर्जनाको निखारताका अपेक्षा रहने गरि तालिमको आयोजना गरिएको आयोजकले जानकारी दिएको छ ।
ठाकुरबाबा नगरपालिका द्वारा आयोजित यस तालिम कार्यक्रममा ठाकुरबाबा नगरपालकिाका नगरप्रमुख तिलक लम्साल, ठाकुरबाबा न्यायिकसमिति संयोजक बिना कुमारी भट्टराई, साथै ठाकुरबाबा नगरपालकिाका प्रमुख प्रशासकीय अधिकृत नारायण प्रसाद ढकाल, वडा अध्यक्षहरु र न्यायिक समितिका पदाधिकारीज्यूहरूको उपस्थिति रहेको छ ।
