गुलरिया, फागुन १९ गते / गुलरिया नगरपालिका कृषि विकास शाखा द्वारा स्थलगत घुम्ती १ दिने तरकारी खेती प्रविधि तालिमलाई निरन्तर्ता गरेको छ ।
विकास समृद्धि र संरक्षण हाम्रो प्रतिबद्धता हाम्रो अभियानू भन्ने मूल उद्देश्यका साथ गुलरिया नगरपालिकाका हरेक बाडमा गरिन कार्यक्रमका क्रममा गुलरिया नगरपालिका वार्ड नं ४ मा आज फागुन १९ गते आयोजित स्थलगत घुम्ती १ दिने तरकारी खेती प्रविधि तालिम संचालन गरेको गुलरिया नगरपालिका कृषि विकास शाखाका शाखा प्रमुख महादेव शाहले जानकारी दिए ।
हाल सम्म गुलरिया नगरपालिका क्षेत्र भित्र पर्ने बडा हरु मध्य ७ वटा बाडरुमा प्रविधि तालिम संचालन भइसकेको समेत कृषि विकास शाखाका प्रमुख शाहले बताए । गुलरिया नगरपालिका केरामा र माछामा आत्मनिर्भरको भएपनि हामी अन्य कुनै पनि तरकारीमा आत्मनिर्भर हुन नसकेकोले यो प्रविधि तालिम को सुरुवात गरिएको समेत शाहले जानकारी दिए ।
यस तालिमबाट थौरै भए पनि प्राविधिक कुराहरुको जानकारी हुने र तालिम पछि हामीले वितरण गर्ने तरकारीका ८ किसिमका विउहरुको प्रयोग राम्रो संग गरे विना विषादी स्वस्थ्य बर्धक तरकारी आफ्नै बारीमा फलाएर खान सक्ने र धेरै उत्पादन गरेर बजारमा बिक्रिबितरण समेत गरेर मनग्य आम्दानी गर्न सक्ने शाहले भने ।
यस किसिमको तालिमले स्थानीयले तरकारी उत्पादन गरे संगै सिमापारी भारतबाट आउने बिषदी तरकारी खान नपर्ने समेत शाहले बताए ।
उस्ता किसिमका प्रविधि तालिमबाट स्थानीयहरुले आफ्नै बारीमा तरकारी उत्पान गर्दा स्थानीयले स्वस्थ तरकारी खान पाउने र उत्पादन गरेको तरकारी स्थानीय बजारमा बिक्रि गरि आम्दानी गर्न समेत सकिने हुदा उस्ता तालिमलाई निरन्तर्ता दिनुपर्ने गुलरिया नगरपालिका बडा नं ४ का बडा अध्यक्ष सुरेश कुमार गौतमले बताए ।
तरकारीमा आत्मनिर्भरका लागि यस तालिमले थोरै बाट धेरैमा तरकारी उत्पादन गर्न प्रोत्साहनका लागि कार्य गर्ने बडा अध्यक्ष गौतमले जानकारी दिए । तालिममा बडा का करिब ७० जना स्थानीयको कृषकहरुको सहभागिता रहेको थियो ।
