बर्दिया(मधुवन), फागुन १७ गते / लुम्बिनी प्रदेश सरकारको सामाजिक सुरक्षा मन्त्री जन्मजय तिमिल्सिनाले हरित विद्यालय निर्देशिका कार्यान्वयन गर्न सकारात्मक रहेको बताएका छन ।
सेन्स नेपालले बर्दिया मधुवन नगरपालिका बाड नं १ को पत्थरबोजिमा फागुन १६ गते आयोजित कार्यक्रममा मन्त्री तिमिल्सिनाले सो कुरा बताएका हुन । सेन्स नेपाल द्वारा आयोजित कार्यक्रममा शुभकामना दिँदै मन्त्री तिमिल्सिना भन्नुहुन्छ,- “विद्यालय अध्ययन गर्ने साना नानीबाबुहरूलाई हाम्रो वातावरण संरक्षण गर्ने जिम्मेवारी दिँदै विद्यालयलाई हरित विद्यालय बनाउन सके सानै उमेरबाट वातावरण संरक्षणको महत्त्व बुझ्न सक्नेछन्” उनले भने ।
कार्यक्रम बारे जानकारी गराउदै सेन्स नेपालका केन्द्रीय अध्यक्ष दिपेश चन्द्र गौतमले भने-” हरित बिद्यालय निर्देशिकाको सफल कार्यन्वयनका लागि लुम्बिनी प्रदेश सरकारसँग अन्तरक्रिया सम्वाद गरि कार्यन्वयनमा अघि बढाउने प्रक्रियामा रहेको उनले बताए ।
कार्यक्रम बोल्दै “हरियो बिद्यालय बनाउन बर्दिया राष्ट्रिय निकुञ्जबाट हुन सक्ने हरेक सहयोग गर्न तयार रहेको बर्दिया राष्ट्रिय निकुञ्जका वरिष्ठ प्रमुख संरक्षक अधिकृत अशोकराम रायले बताए ।
कार्यक्रममा मधुवन नगरपालिकाका नगरप्रमुख तेजबहादुर भाटले हरित विद्यालय निर्देशिका सफल कार्यान्वयनका समग्र टिमलाई धन्यवाद व्यक्त गर्दै -” विद्यालयमा अध्ययन गर्ने बालबालिकाहरूलाई पढाइको साथसाथै विद्यालयमा बोटबिरुवा रोप्न सिकाउने र वातावरण संरक्षण सम्बन्धित अतिरिक्त क्रियाकलापहरूमा संलग्न गराउन सकियो भने उनीहरूमा सकारात्मक परिवर्तनहरू आई ऊर्जा बढी भविष्यका कर्णदार हुनसक्ने छन्” उनले बताए ।
कार्यक्रममा चौध जिल्लाका शिक्षकहरु अन्तरक्रिया कार्यक्रममा सहभागी रहेका थिए ।
