बर्दिया, माघ १७ गते / बर्दियाको गेरुवा गाउँपालिकाले प्रधानमन्त्री रोजगार कार्यक्रम अन्तर्गत ४० जना युवाहरुलाई सीपमूलक तालिम सञ्चालन गर्ने भएको छ ।
प्रधानमन्त्री रोजगार कार्यक्रम अन्तर्गत युवा रुपान्तरण पहल आयोजनामार्फत युवाहरुका लागि सीप विकास र जीवनोपयोगी तालिम सञ्चालन गरिन लागेको हो ।
आईतवार वाट सञ्चालन हुने तालिममा गेरुवा गाउँपालिकाका १ देखी ६ नम्बर ओटा वडाका ४० जनाको सहभागिता रहेने छ । सहभागीहरुमध्येबाट २० जनालाई सिकर्मी र २० जनालाई डकर्मी तालिम प्रदान गरिने गेरुवा गाउँपालिका रोजगार सेवा केन्द्रकी रोजगार संयोजक राज्यलक्ष्मी झाले बताउनुभयो ।
वहाँका अनुसार १८ बर्ष पूरा भइ ४० बर्ष ननाघेका सूचीकृत बेरोजगार युवाहरुका लागि तालिम सञ्चालन गरिएको हो । तालिममा सहभागीहरुले ४० दिन कार्यस्थलमा सीप विकास तालिम लिनेछन् भने १० दिने जीवनोपयोगी सीप सम्बन्धी तालिम लिने छन । ५० दिनको तालिमपछि सहभागीहरु ५० दिन योजनाहरुको काममा खटिनेछन् ।
तालिमका सहभागीहरुलाई दैनिक ६ सय ६८ रुपैयाँका दरले न्यूनतम ज्याला प्रदान गरिने रोजगार सहायक कैलाश लामिछानेले बताउनु भयो ।
