मधुवन, पुस २८ गते / मधुवन नगरपालिका बडा नं १ को कार्यालयले आफ्ना बडाका स्थानीयहरुलाई सामाजिक सुरक्षा भत्ता घर घरमा पुर्याउने गरेको छ । बर्दिया जिल्लामा एक मात्र खाता कोरिडोरको क्षेत्र पर्ने मधुवन नगरपालिका बडा नं १ को पत्थरबोजि गाँउमा रहेका परिवारका सामाजिक सुरक्षा भत्ता लिने स्थानीहरुलाई घरघरमा पुगेर सामाजिक सुरक्षा भत्ता बुझाउने गरिएको मधुवन नगरपालिका बडा नं १ का बडा अध्यक्ष मिन थापाले बताए ।
बडा नं १ को सबभन्दा अति जोखिम गाँउ रहेको पत्थरबोजि गाँउमा परिवारलाई सामाजिक सुरक्षा भत्ता वितरण गर्ने गरिएको थापाले भने । गाँउ भन्दा बडाको कार्यालय जादा वन क्षेत्र पर्ने भएकोले वन्यजन्तुबाट डर हुने भएकोले गाँउका जेष्ठनागरिक, बृद्धा, असहायहरुका लागि नेपाल बैक लिमिटेड ठाकुरबाबाको सहसिकरण सामाजिक सुरक्षा भत्ता वितरण गर्ने गरिएको थापाले जानकारी दिए । आफुले बडा अध्यक्ष पदमा विजयी भए संगै देखि नै स्थानीयहरुलाई सहज हुने कार्य गरिरहेको समेत थापाले बताए ।
हामीले पाउने सामाजिक सुरक्षा भत्ता घर घर मै पुर्याउनाले हामीलाई एकदमै सहज भएको मधुवन नगरपालिका बडा नं १ पत्थरबोजिका जुनकला जैसीले भनिन । वन जंगलको बिचमा हाम्रो गाँउ रहेको हुदा वन्यजन्तु बाट धेरै नै डर त्रास हुने गरेको र बडा कार्यालय जादा पनि जंगल पार गरेर जानु पर्ने बाध्यता रहेको थियो तर मिन थापा बडा अध्यक्ष भए देखि घर मै सामाजिक सुरक्षा भत्ता पाउदा खुसी छौं पत्थरबोजि गाँउ की भागिराम थारुले भने ।
