बर्दिया जिल्लामा रहेका भूमिहीन दलित र भूमिहीन सुकुम्बासीलाई जग्गाधनी दर्ता प्रमाण पत्र(लालपूर्जा) वितरण गरिएको छ । असार ३२ गते(बुधबार) भूमि समस्या समाधान आयोग बर्दियाले सम्पूर्ण प्रक्रिया पु¥याई लालपूर्जा वितरण गरेको हो ।
बर्दिया जिल्लाको प्रमुख समस्या भनेको भुमिहीन दलित र भुमिहीन सुकुम्बासीको समस्या रहेको र आजको यस लालपूर्जा वितरण कार्यक्रमबाट भुमिहीनहरुलाई पूर्ण रुपमा जग्गा प्राप्तीको सुरुवात गरिएको बर्दिया क्षेत्र नम्बर १ का प्रतिनिधी सभा सांसद माननिय सञ्जय कुमार गौतमले बताए । बर्दिया जिल्ला भित्रका करिब ४५ हजार घरधुरीले सुकुम्बासी भएको भन्दै आयोगमा निवेदन परेको समेत गौतमले जानकारी दिए ।
भूमि समस्या समाधान आयोग गठन देखिनै विभिन्न समस्या भोग्दै आएपनि हाल पहिलो चरणमा लालपूर्जा वितरण गर्न सफल भएको भूमि समस्या समाधान आयोग जिल्ला समिति बर्दियाका अध्यक्ष अरुण प्रकास सिङ राठौरले जानकारी दिए ।
गुलरिया नगरपालिकाका ४० जना र बाँसगढी नगरपालिकाका १३ जनालाई गरि ५३ जनालाई गरि पहिलो चरणको लालपूर्जा वितरण गरेको अध्यक्ष राठौरले बताए ।
लालपूर्जा पाउन ५३ जनालाई बधाई दिदैँ ‘ अन्य भूमिहीनहरुलाई पनि क्रमश लालपूर्जा वितरण गर्दै जाने रणनिती रहेकोले गाँउघरमा नापजोख गर्न आउने अमिनहरुलाई सहयोग गर्नुहोला ।’ राठौरले भने
कार्यक्रमा बर्दिया जिल्ला समन्वय समितिको प्रमुख सूर्य बहादु विष्ट र उपप्रमुख अमिता यादव गुलरिया नगरपालिकाका नगरप्रमुख मुक्तिनाथ यादव र उपप्रमुख सावित्रा गौतम, गुलरिया नगरपालिका वडा नं. ४ का वडा अध्यक्ष सुरेश गौतम, बाँसगढि नगरपालिकाका उपप्रमुख, गुलरिया नगरपालिकाका प्रमुख प्रशासकिय प्रमुख ओमकार शाह, नेपाली कांग्रेस बर्दियाका उपसभापती गोविन्द थारु, नेकपा एमाले बर्दियाका अध्यक्ष सालिकराम अधिकारी लगाएतको उपस्थिती रहेको थियो ।
