बढैयाताल गाउँपालिकाले महिलालाई सशक्त आत्मनिर्भर बनाउने अभियानमा २७ जनालाई फाइबर झोला र कुशन बनाउने दुई महिनाको सीपमूलक तालिम दिएको छ ।
संघीय सरकारको उद्योग मन्त्रालय अन्तर्गत आर्थिक वर्ष २०८१/०८२ को बजेटबाट सञ्चालित उक्त तालिममा गाउँ पालिका विभिन्न वडाबाट सहभागी २७ जना महिलाहरूलाई बैशाख २२ गतेदेखि असार १८ गतेसम्म तालिम प्रदान गरेको बढैयाताल गाउँपालिकाको उपाध्यक्ष लक्ष्मी कुमारी अधिकारीले बताईन् ।
उपाध्यक्ष अधिकारीले महिला हरूले तालिम लिएको सिपलाई प्रमाणपत्रमा मात्र सीमित नराखी व्यावसायिक रुपमा आयमूलक कार्यमा प्रयोग गर्नुपर्नेमा जोड दिइन् ।
तालिम समापन कार्यक्रममा सहभागी सरिता चौधरीले तालिम अत्यन्त उपयोगी भएको बताउँदै स्थानीय सरकारको थप सहयोग पाएमा आफूहरूले सिकेको सीप लाई आयआर्जनमा रूपान्तरण गर्न सकिने धारणा राखिन् ।
बढैयाताल गाँउपालिका वडा नं. ६ का अध्यक्ष शुक्रराज सापको– टाले तालिममा सिकिएका सिप लाई व्यवसायिक बनाउने र बजार प्रवर्धनमा वडा कार्यालयले सक्दो सहयोग गर्ने प्रतिबद्धता जनाए ।
कार्यक्रमकी प्रशिक्षक गीता धर्तिले सहभागी महिलाहरू निकै लगनशील र सक्षम रहेको उल्लेख गर्दै स्थानीय सरकारले निरन्तर सहयोग गरेमा उनीहरू आत्म–निर्भर बन्न सक्ने विश्वास व्यक्त गरिन् ।
तालिममा सहभागी महिलाहरू लाई व्यावसायिक रुपमा काम गर्न प्रेरित गर्न सामूहिक रूपमा सिलाई मेसिनसहितका सामाग्री पनि प्रदान गरिएको छ । संघीय सरकारले उक्त कार्यक्रमका लागि १५ लाख रुपैयाँ बजेट विनियोजन गरेको थियो ।
