भुरीगाउँ, माघ १५ गते / ‘प्रथम ठाकुरबाबा उद्योग कृषि, पर्यटन प्रविधि, तथा सांस्कृतिक प्रादेशिक महोत्सव-२०८१ माघ १ ४ गते देखि सुरु भएको छ । बर्दियाठाकुरबाबा नगरपालिका – १ भुरीगाउँमा महोत्सव सञ्चालन गरिएको छ ।
यही माघ १४ गते देखी २४ गतेसम्म सञ्चालन हुन लागेको महोत्सव ठाकुरबाबा उद्योग बाणिज्य संघ भूरिगाउले पहिलो पटक महोत्सव सञ्चालन गर्न लागेको हो ।
महोत्सवमा कृषि तथा पर्यटन संगै प्रविधिजन्य उत्पादन का साथै स्थानीयस्तरमा उत्पादित वस्तु’ प्रमुख आकर्षणका रूपमा रहने आयोजक ले जनाएको छ । ।
ठाकुरबाबा नगरपालिका आफै पनि पर्यटकीय क्षेत्र भएको हुनाले महोत्सवले आन्तरिक पर्यटक भित्राउन थप टेवा पुऱ्याउन महत मिल्ने जनाइएको छ । यहाँको धार्मिक तथा सांस्कृतिक कला संगै यहाँको मनमोहक प्राकृतिक सभ्यतालाई स्थानिय तथा राष्ट्रियस्तरमा चिनाउन महोत्सवले थोरै भए पनि भूमीका खेल्ने ठाकुराबाबा उद्योग बाणिज्य संघका अध्यक्ष गणेश कुवरले बताउनु भयो ।
सोमवार महोत्सवको उद्घाटन लुम्बिनी प्रदेशका सामाजिक विकाश मन्त्री जन्मजय तिमील्सेनाले गर्नु भएको छ। उदघाटन सत्रमा बोल्दै मन्त्री तिमील्सेनाले महोत्सवले आन्तरिक व्यापार तथा पर्यटन प्रवर्द्धनमा महत्त्वपूर्ण भूमिका निर्वाह गर्ने आफूले विश्वास लिएको बताउनु भयो ।
१५ गते मंगलवार गायक अर्जुन कौशलको बेजोड प्रस्तुती रहनुका साथै स्थानीय कलाकारहरुको प्रस्तुती रहने जनाइएको छ। महोत्सवमा स्थानीय एवम् राष्ट्रियस्तरको सांस्कृतिक कार्यक्रम हरेक दिन हुनेछन् ।
