चैत्र १० गते / बर्दिया जिल्लाका यातायात श्रमिकहरूले क्यान्सर पीडितलाई आर्थिक सहयोग गरेका छन्।
करिब एक महिनाअघि फागुन महिनामा मात्र क्यान्सर रोगको प्रमाणित भएपछि आर्थिक अवस्थाले गर्दा उपचार गर्न नपाएका गुलरिया नगरपालिका वार्ड नम्बर ४ निवासी रमेश कुमार चन्दलाई आर्थिक सहयोग गरेका छन् ।
विगत २१ वर्षदेखि यातायात श्रमिकको रुपमा कार्यरत रहेका रमेश चन्दलाई क्यान्सर रोग भएको जानकारी प्राप्त भएपछि उपचारका लागि आर्थिक समस्या भएकोले सम्पूर्ण यातायात व्यवसायी र श्रमिक लगायतले मिलेर आर्थिक सहयोग गरिएको बर्दिया कृष्णसार यातायात व्यवसायी प्रालीका अध्यक्ष रवि मल्ल ठकुरीले बताए ।
सबैले मिलेर करिब ४५ हजार रुपैयाँ सहयोग गरेको ठकुरीले जानकारी दिए।
हाल रोगको उपचारका लागि पाँच लाख रुपैयाँ चाहिने हुँदा साथीहरुले सहयोग गरेकोमा क्यान्सर पीडित रमेश कुमार चन्दले धन्यवाद दिएका थिए।
आर्थिक अवस्था कमजोर हुँदा चन्दले आर्थिक सहयोग जुटाइरहेका छन्। चन्द्रको मुख भित्र क्यान्सर देखिएको छ।