नेपाल फार्मेसी संघ जिल्ला कार्यसमिति बर्दियाको नयाँ नेतृत्व चयन भएको छ । भदौं १४ गते शनिवार गुलरियामा आयोजना भएको प्रथम जिल्ला अधिवेशन तथा दोस्रो साधारणसभाले कृष्ण प्रसाद पौडेलको अध्यक्षतामा १३ सदस्सीय नेपाल फार्मेसी संघको जिल्ला कार्यसमिति चयन गरेको हो । पौडेल दुई वर्षीय कार्यकालका लागि चयन भएका हुन् । निर्वाचन प्रक्रियामा गई सर्वसम्मत जिल्ला कार्यसमिति निर्वाचित भएको निर्वाचन अधिकृत दिपकबहादुर थापाले जानकारी दिए ।
उपाध्यक्षमा सुजन शर्मा र विशाल अधिकारी चयन भएका छन भने महासचिवमा बिनोद कुमार डमन डेउरा, सचिवमा खेमराज खनाल, कोषाध्यक्षमा सरस्वती चौधरी र सह–कोषाध्यक्षमा सुस्मीता सिटौला निर्वाचित भएका छन । साथै सदस्यहरुमा मनिषा न्यौपाने, विपना न्यौपाने, नविन रेग्मी, सुदिप चौधरी, प्रकाश चौधरी र हिक्मत वली सर्वसम्मत भएका छन ।
नेपाल फार्मेसी संघका केन्द्रीय सचिव ध्रुव कुमार शर्माले आगामी दिनमा आवश्यकता अनुसार तालिम को व्यवस्था गरिने बताउँदै जहा औषधी त्यही फर्मानिष्ट आफ्नो माग समेत रहेको बताए । शर्माले राम्रो कामको सुरुवात आफै बाट गरिनु पर्ने बताउँदै आगामी दिनमा सधै साथ र सहयोग रहने समेत उनले भने । कार्यक्रममा लुम्बिनी प्रदेश संघका अध्यक्ष खेमराज तिवारीको तथा औंषधि व्यवस्था विभाग नेपालगन्जका फार्मेसी अधिकृत अशोक कुमार गुप्ता लगाउतको उपस्थिती रहेको थियो ।
