बर्दिया प्रहरीले ब्राउन सुगरसहित एक व्यक्तिलाई नियन्त्रणमा लिएको छ ।
प्रहरीका अनुसार भदौ ५ गते दिउँसो २ः३० बजे प्रहरी चौकी कालिकाबाट खटिएको टोलीले बढैयाताल गाउँपालिका–७, कण्ठपुर चेकपोष्ट मा भारततर्फबाट नेपाल प्रवेश गर्दै गरेका पैदल यात्रीलाई शंका लागेपछि चेकजाँच गरेको हो ।
चेकजाँचका क्रममा मधुवन नगरपालिका–७, विजयकालिका टोल बस्ने ३८ वर्षीय महेन्द्र सुवेदी बाट पहेँलो प्लास्टिकमा रातो धागोले बेरेको दुई पुडिया फेला पारिएको प्रहरीले जनाएको छ । सुवेदीसँग बाट पालिष्टिकमा राखिएको शुद्ध तौल ४ ग्राम २०० मिलिग्राम ब्राउनसुगर फेला परेको जिल्ला प्रहरी कार्यालय बर्दियाका प्रहरी नायव उपरीक्षक चक्र बहादुर डमरपालले जानकारी दिए ।
उक्त लागूऔषधसहित सुवेदीलाई नियन्त्रणमा लिइएको र जिल्ला अदालत बर्दियाबाट ५ दिनको म्याद लिई थप अनुसन्धान गरिएको प्रहरी नायब उपरीक्षक डमरपालले बताए ।
सुवेदीलाई इलाका प्रहरी कार्यालय मैनापोखरमा राखि अनुसन्धान भई रहेको प्रहरीले जानकारी दियो ।
