लुम्बिनी प्रदेश सरकारका सामाजिक विकास मन्त्री जन्मजय तिमिल्सिनाले नेपाल स्काउटलाई मानवता संग जोडेर अगाडी बढ्नु पर्ने बताएका छन । बर्दियाको राजापुरमा रहेको अमर शहिद बहुमुखी क्याम्पसमा नेपाल स्काउट लुम्बिनी प्रदेशको समन्वय र सामाजिक विकास डिभिजन कार्यालय नेपालगंज बाँके द्वारा आयोजित ६ सय १५ औं बेसिक ट्रेनिङ कर्पस (बीटीसी) तथा ४ सय ५५ औं प्रोग्राम ट्रेनिङ कर्पस (पीटीसी) आधारभूत स्काउट तालिमको आज सुरुवातको आज उद्घाटन गर्दै मन्त्री तिमिल्सिनाले सो कुरा बताएका हुन ।
नेपाल स्काउटले शिक्षकहरुलाई मानवताको बिषयमा, समाजलाई कसरी असल बनाउने, नैतिकता, अनुशासन बिषयमा जानकारी लिएर विद्यार्थीहरु र युवामा अनुशासन, जिम्मेवारी र सेवाभाव विकास गर्ने गरि कार्य गर्न तालिम फलदायि रहने मन्त्री तिमिल्सिनाले भने ।
नेपाल स्काउटमा आवद्धताले समाजमा नेतृत्वदायी भूमिका खेल्नुपर्ने, बिकासको निम्ति शिक्षा अपरिहार्य रहेकोले शिक्षालाई समृद्धि संग जोडेर जान समेत मन्त्री तिमिल्सिनाले बताए ।
स्काउटिङ्ग शिक्षा बालबालिकाको सर्वाङ्गीण विकास र प्राकृतिक विपतको साथी भएको साथै स्काउट शिक्षाले विद्यालय तहका बालबालिकाहरूलाई असल नागरिक बनाएर सक्षम व्यक्ति जन्माउने भएकाले स्काउट तालिम आवश्यक रहेको मन्त्री तिमिल्सिनाले स्काउट शिक्षाबाट कोहि कतै कहि पनि बन्चित हुन नहुने धारणा राखे ।
कार्यक्रममा बर्दियाका प्रमुख जिल्ला अधिकारी सुरेन्द्र पौडेलले स्काउट आन्दोलनले राष्ट्र निर्माणमा पु¥याएको योगदानको चर्चा गर्दै स्काउट जीवन पद्धति सङ जोडिएको बताए । पौडेलले भने अनुशासित, इमान्दार र सेवामुखी नागरिक उत्पादनका लागि हरेक विद्यालयमा स्काउट तालिम दिनु पर्ने उनले भने ।
तालिमका नेपाल स्काउटका राष्ट्रिय प्रशिक्षक काशी ढुङ्गानाले भने ६ दिने प्राप्त तालिमबाट सम्पूर्ण सहभागिमा सकारात्मक सोचको विकास गराउन, सामूहिकतामा काम गर्न स्काउट मास्टर निर्माण गर्न, विद्यार्थीहरुलाई अनुशासित र आज्ञाकारी बनाउन तालिम महत्त्वपूर्ण रहने बताए ।
असार २२ गते देखि असार २७ गते सम्म ६ दिने तालिममा लुम्बिनी प्रदेशको बाँके र बर्दिया जिल्लाबाट २१ जना महिला र १० जना पुरुष गरि ४० जनाको सहभागी रहेको र नेपाल स्काउट तालिम शिक्षाको आवश्यकता भएको बुझेर तालिम संचालन गरिएको सामाजिक विकास डिभिजन कार्यालय नेपालगंज बाँकेका प्रमुख उद्दव श्रेष्ठले बताए ।
कार्यक्रममा बर्दियाका सशस्त प्रहरी उपरीक्षक मानबहादुर बिसी, जिल्ला प्रहरीका कार्यालय बर्दियाका प्रहरी नायव उपरीक्षक चक्र डमरपाल, नेपाल शिक्षक संघ बर्दियाका अध्यक्ष माधव ढकाल, नेपाल शिक्षक संघ लुम्बिनी प्रदेश उपाध्यक्ष नारायण लगायत अमर शहिद बहुमुखी क्याम्पसमा क्याम्पस प्रमुख, स्ववियू सभापति लगाउत सहभागि र स्थानीयहरुको उपस्थिती रहेको थियो ।
