“विज्ञान, प्रविधि, इन्जिनियरिङ, कला र गणित – उज्यालो भविष्यको सुनिश्चितता !” भन्ने नारासहित गुलरिया नगरपालिकामा भव्य नगरस्तरीय स्ट्रीम प्रर्दशनीको आयोजना हुने भएको छ ।
गुलरिया नगरपालिका वडा नं.६ को आयोजनामा जेठ २४ गते शनिबार बिहान ७ बजेदेखि गुलरिया नगरपालिकामा हुने प्रर्दशनीको शिक्षा, युवा तथा खेलकुद मन्त्रालय, गुलरिया नगरपालिकाको समन्वयमा हुने भएको गुलरिया नगरपालिकाका नगर प्रवक्ता एवम् वडा नं. ६ का वडा अध्यक्ष सुधान्सु प्रकाश शर्माले जानकारी दिए ।
शनिबार आयोजना हुने उक्त प्रदर्शनीमा पालिका अन्तरगतका विद्यालयका विद्यार्थीहरूले विज्ञान, प्रविधि, इन्जिनियरिङ, कला तथा गणितसँग सम्बन्धित आफ्ना सिर्जनात्मक सामग्रीहरूको प्रदर्शन गर्ने अध्यक्ष शर्माले बताए ।
प्लान इन्टरनेशनल तथा बाँके युनेस्को क्लबको सहकार्यमा हुने प्रदर्शनीमार्फत विद्यार्थिहरूको सिर्जनशीलता, आविष्कारशीलता र प्रविधिमैत्री सोचलाई प्रवद्र्धन गर्ने लक्ष्य लिइएको समेत शर्माले भने ।
प्रर्दशनीमा अभिभावकहरुले आफ्ना बालबालिकाहरुका सिप अनुसारको विद्यालयमा सिकेका जानेका क्रियाकलापहरु मार्फत प्रर्दशनीमा देखाईने हुँदा सम्पूर्ण अभिभावहरुलाई अनिवार्य उपस्थित हुन अध्यक्ष शर्माले अनुरोध गरे
