नेकपा माओवादी केन्द्रका उप महासचिव जनार्दन शर्मा ले अहिलेको सरकारको आयु उसको काम र योजनाको भरमा निर्भर हुने बताए ।
नेकपा माओवादी केन्द्र गुलरिया नगर कमिटिको तेस्रो अधिवेशनको उदघाटन गर्दै पुर्व मन्त्री समेत रहेका शर्माले बर्तमान सरकार ढाल्ने योजनामा आफ्नो पार्टी नरहेको बताउदै उसको कामले सरकारको आयु निर्धारण गर्ने बताउनु भयो । साथै उहाले सविधान संशोधनका लागी आवाज उठेपनि आफनो पार्टि सगै कुनै समन्वय नभएको बताए । पार्टिले पछिल्लो पटक जनताको माया पाएको दावी गर्दै पार्टिको केहि कमिकमजोरीका कारण ३२ सिटमा खुम्चिनु परेको हुँदा अव नेत्रृत्व तहबाटै सुधारको आवश्यकता भएको उल्लेख गरे।
सो अवसरमा नेकपा माओवादी केन्द्रका केन्द्रिय सदस्य तथा लुम्बिनी प्रदेशका पुर्व मन्त्री तिलक शर्माले अधिबेशनको शुभकामना व्यक्त गर्दै माओवादी पार्टि बाट नागरिकले अझै पनि आशा र विश्वास गरेको बताए । नेकपा माओवादी केन्द्रका गुलरिया नगरका अध्यक्ष गेहेन्द्र प्रसाद ढकालको सभापतित्वमा भएको कार्यक्रममा विभिन्न क्षेत्रमा योगदान पुरयाएका र शहिदक परिवारहरुलाई सम्मान गरिएको थियो ।
साभार /नँयाशिरा
