बर्दिया, बैसाख १ गते / युवा लक्षित नेतृत्व विकास र स्थानीय तहमा युवा सहभागिता सम्बन्धि युवा भेला आज जेठ १ गते बर्दियाको ठाकुरद्वारामा शुरु भएकाे छ ।
३ दिन सम्म चल्ने यस कार्यक्रम बर्दिया जिल्ला सबै स्थानीय निकायवाट युवाहरूको प्रतिनिधित्व हुने गरी किशोरी क्लव, युवा क्लव र परिवर्तनका संवाहक समुहका सदस्य गरी ३६ जना किशोर किशोरी तथा युवाहरूको सहभागिता रहेकाे र प्लान ईन्टरनेशनल नेपाल, शसक्त बालिका परियाेजनाकाे आयाेजना तथा साझेदार संस्था बाँके युनेस्काे क्लब, राधाकृष्ण थारु जनसेवा केन्द्र, बि ग्रुप र स्थानीय पालिकाहरकाे समन्वयमा युवा भेला संचालन हुन लागेको बाँके युनेस्को क्लव, शसक्त बालिका परियाेजना बर्दियाका संयाेजक गाेबिन्द प्रसाद लामािछानेले जानकारी गराउनु भयाे ।
युवा भेला कार्यक्रममा शसक्त बालिका परियोजनाको सहयोगमा स्थानीय तहको समन्वयमा गठन गरिएका किशोरी क्लव तथा युवा कलव र परिवर्तनका संवाहक समुहबाट प्रतिनिधिहरुको प्रतिनिधित्व रहेको समेत लामिछानेले बताए।
कार्यक्रमबाट स्थानीय तहको निति निर्माण प्रकृयामा अर्थपूर्ण सहभागिताका लागि क्षमता विकास गरी युवाहरुकाे सवाल र युवा लक्षित योजनाहरु समावेश गर्नका लागि सहयोग पुग्ने बाँके युनेस्को क्लव, शसक्त बालिका परयाेजना संयाेजक गाेबिन्द प्रसाद लामािछानेले भने ।
युवाकाे नेतृत्व विकास, युवाहरुको सवाल, स्थानीय तहकाे याेजना, निति तथा कार्यक्रम निर्माण प्रकृयामा युवाकाे सवाल र सहभागिता मा पहुँच पुराउनका लागि जिल्ला स्तरिय युवा भेला संचालन गरिएको प्लान इन्टरनेशनल नेपालका निमित्त कार्यक्रक विज्ञ दिक्षा भाटले बताउनु भयो ।
यस भेलाकाे दाैरानमा सबै स्थानीय सरकारका प्रमुखहरुकाे उपस्थितिमा युवाहरुकाे स्थानीय योजना तथा नीति निर्माण प्रकृयामा यूवाहरुकाे सहभागता सुनिश्चितता गरी उनीहरुकाे शैक्षिक र नेतृत्व विकासमा टेवा पुग्ने समेत भाटले जानकारी दिनुभयो।
युवा भेला कार्यक्रममा प्लान ईन्टरनेशनल नेपालका अस्निता थापा, राधाकृष्ण थारु जनसेवा केन्द्रका कार्यक्रम संयाेजक मनोज पौडेल, वि ग्रुपका टेक्निकल संयाेजक दिनेश चाैधरी लगायतक उपस्थिती रहेको छ ।
