अञ्जना चौधरी, बर्दिया, फागुन २७ गते / कुरबाबा नगरपालिकाको ७ औैँ स्थापना दिवस सम्पन्न भएको छ । ठाकुरबाबा नगरपालिका स्थापना दिवसका अवसरमा नगरपालिकाको महत्व झल्किने नगरपालिकाकै लोगो सार्वजनिक गरिएको छ ।

ठाकुरबाबा नगरपालिकाका नगर प्रमुख तिलकराम लम्साल र उपप्रमुख बिना कुमारी भट्टराईले लोगो सार्वजनिक गर्नुभएको हो । 

नगरपालिकाको महत्व झल्किने लोगो निर्माण गर्ने सम्राट विक्रम शाह, विराट विक्रम शाह र राजन श्रेष्ठलाई सम्मान गरिएको ठाकुरबाबा नगरपालिकाका प्रमुख प्रशासकिय अधिकृत रामहरि रिजालले जानकारी दिनुभयो । 

स्थापना दिवसका अवसरमा गत २४ गते भएको हाजिरी जवाफ प्रतियोगितामा उत्कृष्ट हुने समुहलाई नगद तथा प्रमाणपत्रसहित सम्मान गरिएको छ । प्रतियोगितामा प्रथम हुने जनज्योती माध्यमिक विद्यालय बकुवा, द्धितीय सरस्वती आधारभुत विद्यालय नेउलापुर र तृतीय चुरे माध्यमिक विद्यालय बगनाहलाई नगद तथा प्रमाणपत्रसहित सम्मान गरिएको हो । प्रथम, द्धितीय र तृतीयलाई क्रमश: ९ हजार, ६ हजार र ४ हजार ५०० रकम प्रदान गरिएको छ । 

ठाकुरबाबा नगरपालिकाले आफ्नो स्थापना दिवसका अवसरमा नगपालिका भित्रका शिक्षा क्षेत्रमा उत्कृष्ट कार्य गर्ने शिक्षक कर्मचारी, विभिन्न विद्यालयहरुलाई सम्मान गर्नुका सार्थ सामुदायिक र संस्थागत विद्यालयका उत्कृष्ट नतिजा ल्याउने विद्यार्थीहरुलाई सम्मान गरेको छ । 

शैक्षिक सत्र २०७९ मा कक्षा ८ मा सामुदायिक विद्यालयबाट नगरपालिका भरिमै सबैभन्दा बढी ४ जिपिए प्राप्त गरि नगरपालिका मा नै प्रथम हुन सफल त्रिभुवन नमुना माध्यमिक विद्यालय भुरीगाउँका हार्दिक गड्तोलालाई सम्मान गरिएको छ । 

यसैगरी कक्षामा ५ मा ३.५९ जिपिए ल्याउने शिवसुन्दर माध्यमिक विद्यालय सुन्दरपुरका रेमन थारु, बसगोडिया र सामुदायिक विद्यालयतर्फबाट नै एसइइमा उत्कृष्ट ३.७५ जिपिए ल्याउने त्रिभुवन नमुना माध्यमिक विद्यालय भुरीगाउँकी स्वस्तीका सापकोटालाई सम्मान गरिएको छ । कक्षा १२ मा ३.५४ जिपिए ल्याउने चुरे माध्यमिक विद्यालय बगनाहकी माया खनाललाई पुरस्कारसहित सम्मान गरिएको हो ।

यस्तै संस्थागत विद्यालयतर्फ एसइइमा कर्णाली इङ्गिलिस मिडियम बोर्डिङ स्कुलका प्रभात रिजाललाई उत्कृष्ट ३.९० जिपिए ल्याएको भन्दै नगरपालिकाले सम्मान गरेको हो । विभिन्न विद्यालयका विद्यालय व्यवस्थापन समितिका अध्यक्षहरुलाई समेत सम्मान गरिएको छ । 

यसैगरी दिवसकै अवसर महिला शिक्षक र जनप्रतिनिधिबीच कुर्सी दौड प्रतियोगिता सम्पन्न भएको छ । कुर्सी दौड प्रतियोगितामा प्रथम विष्णु भण्डारी, द्धितीय रिना शाही, तृतीय धनसरा न्यौपाने हुन सफल हुनुभएको छ । नगरपालिकाका कर्मचारीहरु मध्य सर्वोत्कृष्ट कर्मचारीका रुपमा प्रशासन तथा योजना अधिकृत अनन्तराज सुवेदी र उत्कृष्टमा कृपाराम खनाल, मनिकला पाण्डे, सरीता थारु, सर्वराज भारती, ऋषि प्रसाद गड्तोला र घनश्याम रिजाललाई सम्मान गरिएको हो ।

स्थापना दिवसको अवसरमा गत वर्ष २०७९ सालको नगरस्तरीय परीक्षामा कक्षा ५ मा सर्वोत्कृष्ट नतिजा प्राप्त गर्ने प्राथमिक विद्यालय कालिगौडी, कक्षा ८ मा सर्वोत्कृष्ठ नतिजा प्राप्त गर्ने जनचाहना आधारभूत विद्यालय डुम्रेनीलाई सम्मान गरिएको छ ।

त्यसैगरी गत वर्षको एसइइ नतिजाका आधारमा नेपाल राष्ट्रिय मा.वि.ठाकुरद्वारा र कक्षा १२ तर्फ त्रिभुवन नमूना माध्यामिक विद्यालय भुरिगाउँ सम्मानित भएको छ । ठाकुरबाबा उद्योग वाणिज्य संघको नयाँ कार्य समितीमा चयन भएका व्यक्तिहरुलाई पनि सम्मान गरिएको नगरपालिकाले जनाएको छ ।

कार्यक्रम जिल्ला समन्वय समितिका प्रमुख सुर्य बहादुर विष्टको प्रमुख आतिथ्ययता एवम् ठाकुरबाबा नगरपालिकाका नगरप्रमुख तिलकराम लम्सालको अध्यक्षता तथा उपप्रमुख बिनाकुमारी भट्टराईको बिशेष आतिथ्ययता रहेको थियो ।  ठाकुरबाबा नगरपालिकाकी प्रवक्ता रामरानी थारु, वडा नम्बर १ देखि ९ सम्मका वडा अध्यक्षहरु, सामुदायिक तथा संस्थागत विद्यालयका प्रधानाध्यापकहरु, शिक्षक/शिक्षिकाहरु विभिन्न संघसंस्थाका प्रतिनिधिहरु, विभिन्न राजनितिक दलका प्रतिनिधिहरु लगायत विद्यार्थीहरुको सहभागीता रहेको थियो ।