बर्दिया,मंसिर २८(माउण्टेनमाचार) / जिल्लाका पुर्व क्रिकेट खेलाडी स्वर्गिय अजय श्रेष्ठ स्मृति कप २०८० सिजन–२ क्रिकेट प्रतियोगिता हुँदैछ । स्व.श्रेष्ठको सम्झनामा क्लव स्तरिय टि–२० क्रिकेट प्रतियोगित हुन लागेको हो ।
श्रेष्ठ परिवार र बर्दिया क्रिकेट एकेडेमीको आयोजना र जिल्ला क्रिकेट संघको समन्वयमा मंसिर ३० गतेदेखि पुष ८ गतेसम्म प्रतियोगिता हुनेछ । मंसिर २३ गते देखि हुने भनेको प्रतियोगिता विविध कारणले पछि सारिएको आयोजकले जनाएको छ । गुलरिया नगरपालिका–४ कर्भडहल मैदानमा क्रिकेट प्रतियोगिता हुनेछ ।
प्रतियोगितामा प्रथम हुने टिमलाई नगद रु ९० हजार ५ सय, द्वितिय हुने टिमलाई नगद रु ४० हजार ५ सय पुरस्कारसहित मेडल, ट्रफी र प्रमाण पत्र दिने आयोजकले जनाएको छ ।
उक्त प्रतियोगितामा १२ टिमले सहभागिता जनाएको बर्दिया क्रिकेट एकेडेमीका संचालक सिद्धार्थ श्रेष्ठले जनाएका छन् । स्व.भाईको सम्झनामा क्लव स्तरीय क्रिकेट प्रतियोगिता प्रत्येक वर्ष आयोजना गर्दै आएको स्व.अजय श्रेष्ठको दाई अनिल श्रेष्ठले जानकारी दिए ।
