मधुवन, मंसिर १८ गते / मधुवन नगरपालिकाले पाँचौँ मेयरकप तथा १४ औं राष्ट्रपति रनिङशिल्ड’ प्रतियोगिता संचालनको तयारी तीब्र पारेको छ ।
पाँचौँ मेयरकप १४ औ राष्ट्रपति रनिङशिल्ड प्रतियोगिताको मङ्सिर २४ देखि संचालन हुने भएको छ ।
प्रतियोगितामा मधुवन नगरपालिकाका २७ सामुदायिक १३ संस्थागत बिद्यालयका खेलाडीहरुको सहभागिता रहने आज आयोजित पत्रकार सम्मेलनमा रनिङ सिल्ड प्रतियोगिता संयोजन नेपाल राष्ट्रिय माध्यामिक विद्यालय पुर्णपुरका प्रधानध्यापक धिरबहादुर वलिले बताए ।
विगतका बर्षहरुमा निमावि र माविका विद्यार्थीहरुलाई मात्र प्रतियोगितामा सामेल गरिदै आएको थियो ।
तर, यस बर्षदेखि प्रा.वि.का विद्यार्थीहरुलाई पनि प्रतियोगितामा सामेल गरिने मधुवन नगरपालिका शिक्षा युवा तथा खेलकुद शाखाका शाखा अधिकृत नारायण खनालले बताए ।
उक्त प्रतियोगितामा दौड, हाइजम्प ट्रिपल जम्प कबड्डी लङजम्प, भलिबल, फुटबल, ज्यावलिड्ग थ्रो र सटपट लगाएत खेलहरु सञ्चालन गरिने बताइएको छ । प्रतियोगितामा महिला र पुरुष एकलमा पहिलो, दोस्रो र सेमिफाइनल पुग्नेलाई नगद पुरस्कारसहित प्रमाण पत्र र मेडल प्रदान गरिनेछ । प्रतियोगिता सम्पन्न गर्न करिब १२ लाख रुपियाँ खर्च हुने बताइएको छ । प्रतियोगिताको सम्पूर्ण तयारी पूरा भएको आयोजकले जनाएको छ । पत्रकार सम्मेलनमा मधुवन नगरपालिका नगरप्रमुख तेजबहादुर भाट र उपप्रमुख अनिता चौधरी समेतको उपस्थिती रहेको थियो ।
