सम्पत्ति शुद्धीकरण मुद्दामा पूर्वमन्त्री एवं कांग्रेस नेता दीपक खड्का पक्राउ परेपछि देउवा परिवारमाथि पनि सम्पत्ति शुद्धीकरणको अनुसन्धानमा प्रहरीले अनुसन्धान थालेको स्रोतको भनाइ छ ।
तर, देउवा दम्पत्ती यतिखेर देश बाहिर छन् । चुनावअघि सिंगापुर गएका उनीहरू केही दिनअघि हङकङ आइपुगेका थिए ।
केही दिनमै नेपाल फर्किने दाबी उनीहरूको थियो । तर, सम्पत्ति शुद्धीकरण र जेन–जी आन्दोलन प्रकरणमा नेताहरू धमाधम पक्राउ पर्न थालेपछि देउवा दम्पत्तिको नेपाल आउने कार्यक्रम अनिश्चत बन्ने देखिएको छ ।
यसअघि रवि लामिछाने गृहमन्त्री हुँदा आरजु राणा देउवामाथि नक्कली भुटानी शरणार्थी प्रकरणमा छानबिन गर्न खोजिएको थियो । तर, यसपटक आरजुमाथि पनि अनुसन्धान गर्ने, सम्पत्ति शुद्धीकरणको अनुसन्धान नयाँ सरकार अगाडि बढ्ने देखिएको छ । स्रोतका अनुसार देउवाको परिवारको मसिनो गरी विवरण गर्ने काम सुरु गरिएको बुझिएको छ ।
जेन–जी आन्दोलनका क्रममा २४ भदौमा बूढानीलकण्ठस्थित देउवानिवास लुटपाट र आगजनी गरिएको थियो । देउवाको निवासमा ठूलो परिणाममा पैसा भेटिएको, कतिपय जलेको दाबी गरिएको छ ।
६ रोपनी बढी क्षेत्रफलमा रहेको जग्गामा बनेको घर भत्काउने थालिएको थियो । तर, घर भत्काउँदा प्रमाण पनि नष्ट हुन सक्ने आशंकामा रोक लगाइएको बुझिएको छ ।
प्रधानमन्त्री कार्यालयअन्तर्गत रहने गरी २०४८ सालयताको नेता र कर्मचारीको सम्पत्ति छानबिन गर्नको लागि अधिकार सम्मपन्न सम्पत्ति छानबिन समिति गठन गर्ने निर्णय सरकारले गरेको छ ।
पहिलो चरणमा २०६२ सालयतका र दोस्रो चरणमा २०४८ सालेदेखि २०६२ सालसम्मको छानबिन गर्ने घोषणा सरकारले गरेको छ ।
साभार शिलापत्र
