मनसुन सुरु हुनुअघि बाढीजन्य सम्भावित जोखिमलाई मध्यनजर गर्दै बर्दियामा विपद् पूर्वतयारी तथा प्रतिकार्य अभ्यास गरिएको छ । गुलरिया नगरपालिका–८ स्थित भादा नदिमा जेठ २२ गते गरिएको कृतिम अभ्यासमा सशस्त्र प्रहरी बलको प्राविधिक टोलीले बाढी र डुवानबाट हुने जोखिमको अवस्थामा कसरी उद्दार र सुरक्षा कार्य गर्न सकिन्छ भन्ने अभ्यास गरिएको थियो ।
अभ्यासमा, समस्या परेपछि कसरी डुंगा र डोरीको सहायताले उद्दार गर्ने, घाइतेलाई प्राथमिक उपचार कसरी दिने, तथा सुरक्षित स्थानमा स्थानान्तरण गर्ने जस्ता अभ्यास गरी स्थानियमा सचेतना फैलाईएकोे थियो । जिल्ला प्रशासन कार्यालय बर्दिया र जिल्ला विपद् व्यवस्थापन समितिको आयोजनामा सम्पन्न अभ्यासमा स्थानीय नागरिक, सुरक्षा निकाय, रेडक्रस, नगरपालिकाका प्रतिनिधि लगायतको सक्रिय सहभागिता रहेको थियो
विपद् पूर्वतयारी तथा प्रतिकार्य अभ्यासमा वास्तविक विपद् आएमा हुने सम्भावित अवस्थाको जानकारीका साथै सशस्क्र प्रहरीबाट आएको टोलीले बाढीको बहाव, नागरिक फसेको अवस्था, उद्दारको प्रविधि र समन्वयलाई समेटेर अभ्यास प्रस्तुत गरेका थिए ।
बर्षेनी बर्दिया बाढीको चपेटामा पर्छ । सहायक प्रमुख जिल्ला अधिकारी रोशन कुमार कठायतले यो अभ्यासले विपद्को जोखिम न्यूनीकरणमा सचेतना फैलाउन मदत पुग्ने धारणा व्यक्क्त गरे । कठायतले भने, ‘यस्ता अभ्यासहरूले नागरिकमा चेतना जागरण गर्ने र उद्दार निकायलाई तयारी अवस्थामा राख्न सघाउ पु¥याउँछ ।’
