बर्दिया, पौष २५ (माउण्टेनसमाचार) / गुलरिया नगरपालिका–५ सुहेलवा थारु संग्राहलय खेलमैदानमा थारु सांस्कृतिक माघ महोत्सव हुने भएको छ । थारु कल्याणकारिणी सभा जिल्ला कार्य समिति बर्दियाको आयोजनामा तीन दिने थारु सांस्कृतिक माघ महोत्सव हुने भएको हो । थारु सांस्कृतिक महोत्सव माघ १ गते देखि ३ गतेसम्म चल्नेछ ।
‘राष्ट्रिय एकता व विविधता हमार शान, थारु भाषा, साहित्य, कला संस्कृति बचैना हमार अभियान’भन्ने मुल नाराका साथ थारु कल्याणकारिणी सभा जिल्ला कार्य समितिले महोत्सवको आयोजना गरेको छ । महोत्सवको अनुमानित लागत १२ लाख रहेको जनाईएको छ । महोत्सवमा थारु संस्कृति, झाँकी, स्थानीय र राष्ट्रिय कलाकारको बेजोड प्रस्तुती रहनेछ ।
थारु संस्कृति र कलचर ओझेलमा पर्दै गएकोले थारु सांस्कृतिक महोत्सवको आयोजना गरिएको थारु कल्याणकारिणी सभा जिल्ला कार्य समिति बर्दियाका सभापति बिर बहादुर चौधरीले बताएका छन् । थारु संस्कृतिको संर्वद्धन, प्रर्वद्धन र संरक्षण गर्न थारु कल्याणकारिणी सभा जिल्ला कार्यसमिति बर्दियाले महोत्सवको आयोजना गरेको बुधबार आयोजित पत्रकार सम्मेलनमा जानकारी गराईएको छ ।
