बर्दिया, पुस १ गते (माउण्टेनमाचार) / जिल्लाका पुर्व क्रिकेट खेलाडी स्वर्गिय अजय श्रेष्ठको सम्झनामा स्मृति कप २०८० सिजन–२ टि/२० क्रिकेट प्रतियोगिता मंसिर ३० गते शनिबार देखि बर्दियाको गुलरिया स्थित कबर्डहलमा सुरु भए को छ।
मंसिर ३० गते शनिबार उद्घाटन सत्रका प्रमुख अतिथी उद्योग वाणिज्य संघ गुलरियाका अध्यक्ष देवेन्द्र पाण्डे(मंगल) र गुलरिया नगरपालिका बडा नम्बर ४ का बडा अध्यक्ष सुरेश गौतम ले संयुक्त रुपमा टि२० क्रिकेट प्रतियोगिताको समुद्घाटन गर्नु भएको छ ।
शनिबार भएको पहिलो खेलमा राजापुर क्रिकेट क्लबले अति प्रतिस्पर्धात्मक भएको खेलमा गुलरियाको पप्पु लेजेन्टलाई ९ र ले पराजित गर्दै विजयी सुरुवात गरेको छ । टस जितेर पहिलो फिल्डिङ रोजेको पप्पु लेजेन्टले राजापुर लाई ब्याटिङ मा निम्त्याएको थियो। राजापुरका तर्फबाट ओपनमा आएका समिर आचार्यको आक्रामक ४० बलमा ५४ रनको मद्दतले निर्धारित १५ ओभरको खेलमा ६ विकेट को नोक्सानीमा १ सय ३० रन बनाउन सफल भएको थियो ।
पप्पु लेजेन्टबाट बलिङ गर्दै रकिन रानामगरले २० रन दिएर ३ विकेट लिन सफल भएका थिए भने सैजादले ८ रन दिएर २ विकेट लिएका थिए।
१ सय ३१ रनका लक्ष्य लिएर दोस्रो इनिङ्गमा ब्याटिङ गर्न आएको पप्पु लेजेन्ट अन्तिम ओभरहरुमा ठुला सटहरु हान्न नसक्दा निर्धारित १५ ओभरमा १ सय २१ रन मात्र बनाउन सक्यो र ९ रनले पराजित हुन पुग्यो । पप्पु लेजेन्टका तर्फबाट सैजादले ३८ बलमा नटआउट ४२ रन बनाएका थिए भने राजले २९ रन र विजय चौधरीले २२ रन बनाएका थिए। राजापुरको तर्फबाट बलिङमा सुभाष तिमल्सिना र कुसल न्यौपानेले १/१ विकेट लिन सफल भएका थिए। राजापुरको तर्फबाट ५५ रन बनाएका समिर आचार्य म्यान अफ द म्याच घोषित भएका थिए।
प्रतियोगितामा प्रथम हुने टिमलाई नगद रु ९० हजार ५ सय, द्वितिय हुने टिमलाई नगद रु ४० हजार ५ सय पुरस्कारसहित मेडल, ट्रफी र प्रमाण पत्र दिने आयोजकले जनाएको छ ।
यस प्रतियोगितामा १२ टिमले सहभागिता जनाएको आयोजक बर्दिया क्रिकेट एकेडेमीका संचालक सिद्धार्थ श्रेष्ठले जनाएका छन् ।
प्रतियोगिता बर्दिया क्रिकेट एकेडमी आयोजक र जिल्ला क्रिकेट संघ बर्दियाको समन्वयमा संचालक भईरहेको छ।
मंसिर २३ गते देखि हुने भनेको प्रतियोगिता विविध कारणले पछि सारिएको आयोजकले जनाएको थियो । 
छ ।
