बर्दिया(मगरागाडि), चैत्र १५ गते / बर्दियाको बारबर्दिया नगरपालिका सदाशिव मन्दिर संरक्षण समितिको १४ औँ साधारण सभा सम्पन्न भएको छ । आज चैत्र १५ गते बारबर्दिया नगरपालिकाको मगरागाडिमा भएको सभामा बोल्दै प्रतिनिधि सभा सामसद सञ्जय कुमार गौतमले भने हजारौ वर्षअघि स्थापना भएको इतिहास रहेकोले सदाशिव मन्दिरले ठूलो धार्मिक महत्व बोकेको छ ।”
सांसद गौतमले यस मन्दिरमा निहित आध्यात्मिक शक्तिका कारणले आफू यो स्थानसम्म पुग्न सकेको र यस मन्दिरले समाजमा नैतिक चेतना प्रदान गरिरहेको समेत
बताए । आफु जुन स्थानमा पुगे पनि घमण्ड नरहेको र सदाशिव मन्दिरमा आर्ई बृद्धि दिनुहोस भनि मागेको बताए ।
सोहि सभाका बारबर्दिया नगरपालिकाका नगर प्रमुख छविलाल थारुले भन्नुभयो, “यस सदाशिव मन्दिरको विकासको निम्ती केन्द्रिय सरकार सँग तिन करोड रकम बरावरको स्टीमेट गरि रकम माग गरेका छौ ।” कार्यक्रममा बारबर्दिया नगरपालिकाका उपप्रमुख रत्ना पाण्डे, बडा अध्यक्ष एवं प्रवक्ता सिताराम योगि, देवेन्द्र बिष्ट लगायतको उपस्थिती रहेको थियो । आजको १४ औं साधारणसभाले नया नेतृत्व चयन गर्ने छ ।
