फाल्गुण २४ गते / बर्दिया का स्थानिय महिला किसानहरुलाई व्यावसायिक योजना निर्माण सम्बन्धी तालिम दिइएको छ।
थारु महिला उत्थान केन्द्रको आयोजना तथा नागरिक आवाजको सहयोगमा सामुदायिक सुरक्षा जालो अभियान अन्तर्गत गुलरिया नगरपालिका वडा नम्बर ४ र ५ का महिला किसानहरूलाई व्यवसायिक योजना निर्माण सम्बन्धी २ दिने तालिम दिएको हो।
विभिन्न कृषक समूहमा आबद्ध सदस्यहरू मध्यबाट २७ जना लाई छनोट गरी तालिम दिइएको संस्थाले जनाएको छ । विहिबार देखी सुरु भएको तालिम शुक्रबार सम्पन्न भएको हो ।
संस्थाले सञ्चालन गरिराखेका परियोजना अन्तर्गत महिला किसानहरूलाई व्यवसायी योजनाको आधारमा उद्यम विकासमा सहयोग गरी महिला मैत्रीय कार्यक्रमहरू गरिदै आएको थारु महिला उत्थान केन्द्रकी कार्यकारी निर्देशक प्रिज्मा सिंह थारुले बताइन्।
प्रत्येक महिला किसानले आफ्नो व्यवसायको ऐना आफैले तयार गरी सोही अनुसार काम गर्न सकेमा आर्थिक उपार्जनको हिसाबले महिला को जिवीकोपार्जन को हिसाबले सजिलो हुने प्रशिक्षक तेजमणि पन्थले बताए। पन्थका अनुसार व्यवसायिक योजना सबै किसानले बनाउन जरुरी हुन्छ।बिना योजना गरिएको कुनै पनि काम सफल हुन नसक्ने बताए।
तालिममा सिलाई कटाई ,तरकारी खेती ‘बङ्गुरपालन, बाख्रापालन ,गाईभैंसी पालन , र केरा खेती गरी छ प्रकारका व्यवसायीहरूलाई तालिम दिइएको छ ।
विगत एक वर्षदेखि बाख्रापालन गर्दै आएकी गुलरिया नगरपालिका वडा नम्बर ५ बालापुरकी सहभागी महिला किसान पार्वती चौधरीले तालिमबाट धेरै कुरा सिकेको बताइन्। आगामी दिनमा प्राप्त तालिमले योजना बनाई हिसाब किताब चुस्त दुरुस्त राख्न आफूले सिकेको उनले बताइन् ।
यस्तैगरी अर्की सहभागी गुलरिया नगरपालिका वडा नम्बर ४ सानो बेचैपुरकी बसन्ती थारुले तालिमले आफूलाई हिसाब किताब राख्न सजिलो बनाउने तथा आधुनिक तरिकाले कसरी आफ्नो व्यवसायलाई अगाडि बढाउन सकिन्छ यस्ता कुरा सिकेको बताइन् ।
तालीममा सहजिकरण गर्दै आएका संस्थाका चल्टु थारुले गाउँमा घरमा गई महिला किसानहरूसँग समन्वय तथा उनीहरूले नजानेका कुराहरू सिकाउँदै आएको बताए ।महिला किसानले उत्पादन गरेको सामग्रीकोबजारीकरण होस् या समय समयमा आइपर्नेअन्य समस्यामा थारुले महिला किसानहरूलाई सहयोग गर्दै आएको उनले बताए। ।
