• • बर्दिया,मंसिर ३ (माउण्टेनसमाचार)/ जाजरकोटका भुकम्प पिडितलाई त्रिपाल हस्तान्तरण गरिएको छ । अक्सिजन बंैक र उद्योग वाणिज्य संघ गुलरियाले संयुक्त रुपमा भुकम्प पिडितलाई आइतबार त्रिपाल हस्तान्तरण गरेका हुन् ।

जिल्ला प्रशासन कार्यालय बर्दियामार्फत जाजरकोट भुकम्प पिडितलाई पाँच सय थान त्रिपाल हस्तान्तरण गरिएको छ । उद्योग वाणिज्य संघ गुलरियाका अध्यक्ष देवेन्द्र पाण्डे र अक्सिजन बंैकका अध्यक्ष भेषराज पौडेलले संयुक्त रुपमा सहयोग सामाग्री त्रिपाल प्रजिअलाई हस्तान्तरण गरेका थिए ।

प्रमुख जिल्ला अधिकारी नारायण प्रसाद रिसालले जाजरकोट जिल्ला छेडागाड नगरपालिकाका प्रमुख प्रशासकीय अधिकृत सिंहराज डाँगीलाई त्रिपाल हस्तान्तरण गरेका छन् । त्रिपाल हस्तान्तरण गर्दै प्रजिअ रिसालले जाजरकोट प्रशासनमार्फत पिडितलाई वितरण गर्न अनुरोध गरेका छन् ।

उद्योग वाणिज्य संघ र अक्सिजन बैंकले संयुक्त रुपमा १२ बाई १२ को ४ सय ४० र १२ बाई १० को ६० वटा गरि जम्मा ५ सय थान त्रिपाल हस्तान्तर गरेको छ ।