बर्दियामा बाघको आक्रमणबाट मृत्यु भएका व्यक्तिका परिवारजनलाई राहत स्वरुप रकम प्रदान गरिएको छ।
डिभिजन वन कार्यालय बर्दियाको पिडित संग प्रदेश सरकार कार्यक्रम अन्तर्गत मानव वन्यजन्तु द्वन्द्व न्युनीकरण परियोजनाबाट मृतकका परिवारजनलाई १ लाख रूपैया हस्तान्तरण गरिएको छ ।
बाघले आक्रमणबाट केहि अघि मात्र मधुवन नगरपालिका बडा नं ५ मा रहेको घर नजिकैको सामुदायिक वनमा घाँस दाउरा गर्न गएकि २८ बर्षिय गायत्री डाङ्गी को मृत्यु भए को थियो ।
मधुवन नगरपालिकाका नगरप्रमुख तेजबहादुर भाट, नेपाली काङ्ग्रेस लुम्बिनी प्रदेश प्रमुख सचेतक माननीय जन्मजय तिमल्सिना र डिभिजन वन कार्यालय बर्दियाका प्रमुख प्रवीण बिडारीले संयुक्त रुपमा मृतकका परिवारजन यमसरा केसी डाङ्गी लाख नगद रकम हस्तान्तरण गर्नु भएको थियो ।
खाता कोरिडोर क्षेत्रमा बाघबाट मानवीय क्षतिको बढिरहेकोले जंगल नजाने वातावरण बनाउनु पर्ने साथ मानवीय क्षती हुन नदिन जनचेतना मुलक कार्यक्रमहरु जंगल छेउ बस्ने स्थानीयहरु माझ व्यापक रुपमा गर्नु पर्ने नेपाली काङ्ग्रेस लुम्बिनी प्रदेश प्रमुख सचेतक माननीय जन्मजय तिमल्सिना बताए।
सोहि कार्यक्रममा राष्ट्रिय प्रकृति संरक्षण कोष (NTNC) बर्दियाले पनि बाघको आक्रमणबाट मृत्यु हुनुभएकी गायत्री डाङ्गीका परिवारजनलाई आय आर्जन गर्न नगद ५० हजार रूपैयाँ समेत हस्तान्तरण गरेको छ।
मृतक गायत्री डाङ्गी का श्रीमान वैदेशिक रोजगारका लागि विदेशमा रहेको र उनका सानै एक छोरा र छोरी रहेका छन ।
हाल पछिल्लो घटना पछि यस खाता कोरिडोर क्षेत्रमा २०७७ पछि गत हप्ता भएको घटना सहित १८ जना बाघको आक्रमणबाट ज्यान गई मानवीय क्षति भएको छ ।
